DPI (Dots Per Inch - inch-dəki nöqtə sayı)
Müasir printerlərin çap keyfiyyəti DPI ilə ölçülür. Bu ölçü
vahidi 1 inchdə yerləşən nöqtələrin sayı ilə təyin edilir. Hazırda A4 vərəq
üçün nəzərdə tutulan printerlərin çap keyfiyyəti adətən 300 DPI, 600 DPI və ya
1200 DPI olur. Aydın məsələdir ki, 1 inch-də yerləşən nöqtələrin sayı nə qədər
çox olarsa, printerin də çap etdiyi yazılar, şəkillər bir o qədər keyfiyyətli
görünər. Aşağıdakı şəkildə A4 vərəq çapı üçün nəzərdə tutulmuş printerin çap
keyfiyyəti, çap sürəti (PPM) və s. göstəriciləri verilmişdir:
PPM (Pages Per Minute - dəqiqədəki vərəq sayı)
Printerlərin digər vacib göstəricilərindən biri də çap sürətidir.
Printerin çap sürəti onun bir dəqiqə ərzində çap edə bildiyi vərəqlərin sayı ilə
təyin olur. A4 vərəqlərin çapı üçün nəzərdə tutulan müasir ağ-qara lazer
printerlərinın çap sürəti 15 -25 PPM arasıda dəyişir. Adətən rəngli printerlərin
sürəti daha az olur. Rəngli printerlərdə təsfirin yaradılması üçün maye şəklindəki
boyalardan, ağ -qara printerlərdə isə tonerdən (mürəkkəb tozu) istifadə edilir
və təsfir çox kiçik toner dənəciklərinin vərəqə hopdurulması yolu ilə əldə edilir.
LPI (Lines Per Inch - inch-dəki xətt sayı)
Daha keyfiyyətli çap qurğularının (pletterlərin) çap keyfiyyətini
xarakterizə edən göstəricidir. Adətən, Corel Draw, Adobe Illustrator kimi
vektor proqramlarda hazırlanmış keyfiyyətli təsvirlərin çapı üçün istifadə edilən
xüsusi çap maşınlarının keyfiyyəti LPI ilə ölçülür. Belə qurğular adi printerlərdən
fərqli olaraq təsfiri xətlər vasitəsi ilə yaradırlar. Əlavə olaraq onu da qeyd
etmək lazımdır ki, qrafiki planşetlərin də keyfiyyət göstəricisi olaraq LPI istifadə
edilir.
PPI (Pixels Per Inch - inc-dəki piksel sayı)
Kompüter, televiziya, telefon kimi qurğuların manitorunun
keyfiyyətini, həmçinin rəqəmsal fotokameraların, skanerlərin keyfiyyətini ölçmək
üçün PPI -dən istifadə edilir. Bir inch-də yerləşən ekran nöqtələrinin (piksellərin)
sayı nə qədər çox olarsa manitorda görüntü bir o qədər keyfiyyətli alınır.
Müasir fotokameraların da əsas keyfiyyət göstəricisi hesab edilən PPI əvəzinə
çox vaxt sadəcə piksel terminindən istifadə edilir. Təbbi ki, bu zaman nəzərdə
tutulan anlayış PPI anlayışı ilə eynidir.
Qeyd: 1 inch = 2,54 sm
Hiç yorum yok:
Yorum Gönder